Ауғаныстанан кеңес әскерлерінің шығарылуның 35- жылдығына арналған ауған соғысының ардагерлерімен кездесу өткізілді. Кездесу шарасына ауған соғысының ардагері Мыльников Александр Геннадьевич, мектепте өткізіліп келген   шараларға белсене қатысып келген, жас ұрппаққа патрииоттық тәрбие беруде өз үлесін қосқан марқұм  ауған соғысының ардагері Сулейменов Ныгметулла Гавидоллаевичтың зайыбы Сулейменова Гульнара Камзиновна шақырылды. Кездесуді ұйымдастыруға 31767 әскери бөлімінің офицері  капитан Сейлханов Ерасыл және аталған бөлімнің ҚР Қарулы  Күштерінің қызметкері Сулейменова Жазира белсене қатысты. Мектеп оқушыларына ауған соғысының ардагерінің жауынгерлік жолы, соғыстағы жолдастық қарым-қатынасы  жөніндегі әңгімесі үлкен әсер қалдырды. Сонымен қатар Сулейменов Ныгметулла туралы айтылған әңгімелерді қорытындылай келе жауынгерлік дәстүрдің болашақ отан қорғаушылар үшін үлкен  маңыздылығы жөнінде АӘжТД пәнінің оқытушы-ұйымдастырушысы Сарсенбин Б.М. мен жас сарбаздар арнаулы сыныбының тәрбиешісі Таирбеков Т.Д. айтып өтті. Шара соңында мектеп оқушылырының күшімен дайындалған концерт мен жас сарбаздардың әскери өнерлерін  тамашалады.

         Шара соңында   қонақтарға мектеп мұражайында ауған соғысының ардагері Сулейменов Н.Г. арналған мәліметтер жинағын тамашалау ұсынылды.

Мерекелік сайыстың ашылу салтанатында мектеп директорының орынбасары Слямбекова А.Д., 31767 әскери бөлімінің офицері майор Насыров Нұрлан құттықтау сөз сөйледі, ал мектеп арнаулы жас сарбаздар сыныптары өздерінің саптық дайындық, қоян-қолтық ұрыстағы, қарумен шеберлік деңгейлерін көпшілік қауым алдында көрсетті.  

Сайысқа қатысушы сыныптар саптық дайындықтарымен қатар тақырыпқа сай киім нысандарын, сонымен қатар  саптық әндерді, топ ұрандарын орындауда шеберліктерін көрсетті.

Сайыс соңында  әділ-қазылар алқасы әскери қызметшілер Бектұрғанов Ермек, Ғазизова Мөлдір және 11-сынып оқушысы Русланқызы Ажар оқушылар өнерлерін қорытындылады.   Өткен шараның жастарға патриоттық тәрбиелік мәнінің зор екенін атай отырып, бастауыш сынып  оқушыларының ерекше дайындықтарын АӘжТД пәнінің оқытушы-ұйымдастырушысы Сарсенбин Б.М. атап өтті. 

Мақсаты: Оқушыларға ғарыш әлемі туралы түсінік бере отырып, алғаш ғарышқа самғаған әлемдік және Қазақстандық ғарышкерлер туралы мағлұмат беру, ғарыш әлеміне деген қызығушылық және танымдық қабілетін арттыра отырып  оқушылардың патриоттық сезімін ояту.

    Сабаққа 31767әскери бөлімінің офицері капитан Қ.Н.Серікжанов пен осы бөлімнің әскери патриоттық клуб жетекшісі Ж.А. Сулейменова қонақ ретінде шақырылды. 

Сабақ барысында Болатов Ердәулет пен Талантұлы Нұрасыл  Қазақстанның ғарышкерлері туралы қызықты ақпараттар берді. А.Нұржанқызы, Н.Калимбеков,Ж.Беріктаева, А.Зейноллаева Қазақстанның ғарышкерлері туралы жазған шағын жобаларымен таныстырды. Г.Батырханқызы Марфуға Айтқожақызының  “Қос ғарышкер” өлеңінен үзінді оқыды. 

Оқушылардың сабақтан алған білімдерін бекіту мақсатында  «Космос әлемінде» атты интеллектуалды ойын ойнатылды.

Сабақтың  соңы   арнайы шақырылған қонақтардың ақыл -кеңесімен, жылы тілектерімен жалғасын тапты. 

Жас сарбаздарды мерзімдік әскери қызметтегі жауынгерлер таңғы дабылдан басталатын күнделікті әскери өмір-тынысымен таныстырып, өздерінің казармасымен, төсек орындары, жауынгерлер тумбочкасындағы жеке гигиена заттары туралы да айтып өтті. Әскери бөлімнің тәжірибелі сержанты 3-ші сыныпты сержант Е.А.Бектурғанов    бағынышты жауынгерлерімен бірге АК-74 автоматының қолдануы, құрлысы мен қызметі, оны бөлшектеу және жинақтау әдістерімен тәжірибе алмасты. Сонымен қатар осы бөлімнің әскери қызметкерлері қарауыл қызметі және оның атқарылуымен таныстырып, жас сарбаздардың бронжилет, каска-шлем және жауынгерлік экипировканы киіп көрді. Жас сарбаздар аталған бөлімнің жауынгерлерінің алдында өздерінің саптық дайындық жаттығуларын көрсетті. Осы кесдесу соңында  мектебіміздің АӘжТД пәнінің оқытушы-ұйымдастырушысы запастағы майор Сарсенбин Б.М. және тәрбиеші офицер Бақытбеков Ә.Б. қызықты, әсерлі кездесу ұйымдастырғандары үшін, 31767 әскери бөлімінің басшылығына  және жеке құрамына ризашылықтарын білдіріп, алғыс айтты.

2023 жылдың 14 акпан күні Жүсіпбек Аймауытов атындағы жалпы орта білім беретін орта мектебінде Ауғаныстанан кеңес әскерлерінің шығарылуының 34-жылдығы атап өтілді. Аталған күні жас сарбаздар арнаулы  6 «а» сыныбы командалары арасында «Алға, Жаңа Қазақстан жас сарбаздары!» тақырыбындағы әскери-спорттық жарыс өткізілді. Осы ұйымдастырылған шараға ауған соғысының ардагері, жауынгер интернационалист Мельников А.Г., 31767 әскери бөлімінің тәрбиеші офицері майор Тенельбаев Н.Ж., ҚР Қарулы күштерінің ардагері Сулейменова Ж.А. және ата-аналары қатысты. Ауғаныстандағы сұрапыл соғысы туралы бейнекөрініс көрсетіліп, жауынгерлер ерліктері туралы, қызықты мәліметтер келтірілді. Ауған соғысының ардагері Мельников Александр Генадьевич, өзінің жауынгерлік жолдары туралы оқушылырға айтып өтті. Осы шараға қатысушы  қонақтар мен ата-аналар сөз сөйлеп өз ойларын білдіріп, жас сарбаздарға тілектерін білдірді.Мектептің  алғашқы әскери және технологиялық  дайындық   пәнінің оқытушы-ұйымдастырушысы майор Сарсенбин Б.М.  жауынгер –интернационалистке, ардагергежәне қонақтарға алғысын білдірсе, жас сарбаздар ардагерге сый-құрмет көрсетіп, қолөнер туындысын сыйға тартты,сонымен қатар көркемөнерпаздар шағын концерт қойып берді.