«Ашық есік күні» Кітапханаға саяхат

      1-сынып оқушылары үшін кітапханаға саяхат ұйымдастыру – балалардың кітапқа деген қызығушылығын арттыру және оқу мәдениетін қалыптастырудағы маңызды қадам. 

1-сынып оқушылары үшін кітапханаға саяхат ұйымдастырудың мақсаты:

• Кітапқа қызығушылықты ояту: Балаларға кітаптардың қызықты әрі білім көзі екенін көрсету.
• Кітапханамен таныстыру: Оқушыларды кітапхана жұмысымен, ережелерімен және мүмкіндіктерімен таныстыру.
• Оқу мәдениетін қалыптастыру: Балалардың кітап оқуға деген ынтасын арттырып, оқу мәдениетін дамытуға үлес қосу.
• Шығармашылық қабілеттерін дамыту: Балаларды қиялдауға, ойлауға және өз ойын жеткізуге баулу
• Оқу мен ізденіске бағыттау: Оқушыларға білім алу үшін кітаптардың маңызды көмекші құрал екенін түсіндіру.
• Кітаптар сөрелерін көрсетіп, әртүрлі жанрлар туралы түсіндіру (ертегілер, әңгімелер, танымдық кітаптар).

Оқушыларға кітапханадағы Ж.Аймауытов сөресімен таныстырылып, оның кім екені, қандай шығармалары бар екені жалайлы мағлұмат берілді. Жүсіпбек Аймауытов – қазақ әдебиетінің көрнекті өкілі, жазушы, драматург, педагог, аудармашы, әрі қоғам қайраткері. Ол қазақ әдебиеті мен мәдениетінің дамуына үлкен үлес қосқан тұлға. Оның есімін білім беру мекемелеріне беру – оның еңбектерін ұлықтау және болашақ ұрпаққа таныту мақсатында жүзеге асырылады.