«Бөбектер мектебі»
«Бөбектер мектебі» жұмысын бастауда
Жүсіпбек Аймауытов атындағы ЖОББ мектебінің 1-сынып оқушыларының мектепке бейімдеу мақсатында 2022 жылдың 15 тамызынан бастап «Бөбектер мектебі» жұмыс жасауда. Мақсаты: оқушылардың мектеп өміріне бейімделуіне жағдай жасау. Мектепке бейімделу - бұл әр бірінші сынып оқушысы өз тәжірибесінде бастан өткізіп, жаңа жағдайларға бейімделу процесі. Баланың мектепке бейімделу кезеңі 2-3 аптадан алты айға дейін созылады. Бұл көптеген факторларға байланысты: баланың жеке ерекшеліктері, оқу орны типі, білім беру бағдарламаларының күрделілік деңгейі, баланың мектепке дайындығы және т.б. туыстарының - аналардың, әкелердің, ата-әжелердің қолдауы өте маңызды.
Сынып жетекшілерінің сынып оқушыларымен қарым-қатынасы жақсы деңгейде, оқушылар сабаққа көтеріңкі көңіл күймен келуде. Ұстаздар қолданып жүрген түрлі ойын технологиялары балалардың барлық дағдыларын дамытуға оң әсерін тигізуде.





