Пригород жалпы орта білім беретін мектебінде 8.11.2019 күні «31767» әскери бөлімі көпбалалы отбасынан шыққан оқушыға киім алып берді.

Елбасы Н.Назарбаевтың 2018 жылдың қазан айындағы Жолдауында мектептерде « Жас сарбаз» сыныптарын ашу туралы айтқан болатын. Осы бағдарлама негізінде Пригород орта мектебінде арнаулы кадет сыныптары ашылған болатын. «Жас сарбаздар» сыныбындағы оқушыларға арнайы киімді ата- аналары алған. Ал, көпбалалы отбасыдан шыққан оқушыларға киімнің бағасы оңайға түспейтіні анық. Осыған байланысты «31767» әскери бөлімі көпбалалы отбасыға арнайы форма алып берді. Әскери бөлімнің командирі подполковник Айбол Жусупов мектепке келіп, жас сарбазға киімін табыстады. Пригород орта мектебінің директоры Баитунов Д.Е. өз кезегінде әскери бөлімнің басшысына алғысхат табыстады.