Әдеби викторина

Қысқы демалыс аяқталған соң, оқылған шығармалар бойынша әдеби викторина ұйымдастырылды. Викторина барысында оқушылар жазушының өмірі мен шығармашылығы, кейіпкерлер әлемі, шығармалардағы тәрбиелік мәні жоғары ойлар жөнінде сұрақтарға жауап берді. Балалар өздерінің оқыған туындыларын талдап, кейіпкерлерге мінездеме беріп, белсенділік танытты.
Іс-шара оқушылардың шығармашылық қабілетін дамытуға, ой-өрісін кеңейтуге және кітап оқуға деген қызығушылығын арттыруға ықпал етті. Викторинаға қатысқан оқушылар өз білімдерін көрсетіп қана қоймай, бір-бірімен пікір алмасып, әдебиетке деген сүйіспеншіліктерін дәлелдеді.
Шара соңында белсенді қатысқан оқушылар марапатталып, кітап оқудың маңыздылығы туралы қорытынды ой айтылды. Мұндай танымдық іс-шаралар балалардың бос уақытын тиімді өткізуіне және рухани дамуына үлкен үлес қосады.