Гумантарлық пәндер ӘБ «Тіл - менің ертеңімнің сәулесі» тақырыбындағы онкүндік бастау алды

Тәрбие басы – тіл. Тіл – қай ұлттың болмасын тарихы мен тағдыры, тәлімі мен тәрбиесінің негізі, қатынас құралы. 14.02.2023 күні  мектебімізде гумантарлық пәндер ӘБ«Тіл - менің ертеңімнің сәулесі» тақырыбындағы  онкүндіктің   ашылуы  болып өтті. 

Қазақ тілі, орыс тілі, ағылшын тілі пәндері апталығының ашылуына орай  салтанатты лездеме өткізілді.  Лездеме барысында оқушылар онкүндікте өткізілетін іс-шаралармен танысып, тілдер туралы бейнематериалдарды  қызыға тамашалады. Іс-шара аясында оқушылардың танымдық белсенділіктерін, тілдерге деген қызығушылықтарын арттыру, сонымен қатар таңғы көтеріңкі көңіл-күй орнату мақсатында  домбыра мен қобыздың сазды  әуенімен   қарсы  алып, атаулы күндер көрмесі, «Ойлан, тап» ойыны ұйымдастырылды. Ойынға қатысушылар сұрақтарға жауап беріп, тәтті сыйлықтар алды. Іс-шаралар еркін, жайлы атмосферада өтті, барлығы жағымды эмоциялар мен жақсы көңіл-күйге ие болды.