Оқу сағаты

Жүсіпбектану сыныбының оқушыларының ұйымдастыруымен Жүсіпбек Аймауытовтың "Әнші" әңгімесі желісі бойынша оқу сағаты өтті. 3-10 сынып оқушыларына  әңгімені   оқуға уақыт берілді. Алдын ала әңгіменің аудио, видео нұсқалары және кітаптармен қамтамасыз етілді. Сабақ арасында үлкен үзілісте балалар әңгіме желісі бойынша Baamboozle ойынын ойнады. Әсіресе қызығушылықпен қатысқан кішкентай бүлдіршіндер 3 «а» сынып оқушылары болды. Әңгіменің бас кейіпкері Әмірқанның прототипі Әміре Қашаубаев туралы да ақпарат берілген болатын. Ойын соңында оқушылар Әміренің орындауында «Балқадишаны» тыңдады. Мұндай оқу сағаттарының балаларға берері мол. Келесі оқитынымыз аудармалары болмақ.,