Ауғанстаннан кеңес әскерлерінің шығарылуының 35 жылдығы

Ауғанстаннан кеңес әскерлерінің шығарылуының 35 жылдығы қарсаңында Жүсіпбек Аймауытов атындағы жалпы орта білім беретін мектебінің 10-сынып оқушылары  Семей қаласындағы интернационалист-жауынгерлер ескерткішіне гүл шоқтарын қою шарасын өткізді. Ескерткіш басында  АӘжТД пәнінің оқытушы-ұйымдастырушысы Сарсенбин Б.М. осы тарихи оқиғаның мәні мен мағынасы туралы оқушыларға айтып берді.
    Сонымен  қатар оқушылар Семей қалалық балалар  мен жастар шығармашылық сарайында орналасқан ауған және жергілікті соғысқа қатысушыларға арналған мұражайға саяхат жасады. Осы шара барысында оқушылар Ауған соғысына қатысқан жауыңгерлердің жеке күнделікті өмірде пайдаланған заттарымен, қару-жарақ түрлерімен, соғысқа қатысушылардың марапаттары, ерліктері туралы мәліметтермен танысып қайтты.  Оқушылар осы шараның ерекше әсер еткенін, сонымен қатар өздерінің жерлестерінің ерліктерін мақтанышпен еске алды.